Сумын Эмэгтэйчүүдийн зөвлөл, Ерөнхий боловсролын сургуулийн 5, 9 дүгээр ангийн хамт олонтой хамтран Олон улсын эмэгтэйчүүдийн эрхийг хамгаалах өдрийг 03 дугаар сарын 07-08-ний өдрүүдэд тэмдэглэн өнгөрүүллээ. Уг арга хэмжээний хүрээнд 5,9 дүгээр ангийн сурагчид ээжүүддээ "ДЭЛХИЙ АРГАДАХ ИЖИЙ" нэртэй урлагийн тоглолт, Эмэгтэйчүүдийн дунд Гар бөмбөгийн тэмцээн, Хөзрийн тэмцээн, Багуудын хооронд мэндчилгээ, урлагийн номер, Бүжгийн тэмцээнүүдийг зохион байгуулав. Мөн 3 хүү дараалан төрүүлсэн ээжүүдийг "ДАРХАН БЭР"-ээр өргөмжлөн энгэрийн тэмдэг, дурсгалын зүйлээр шагнаж урамшууллаа.